Ek moes nog ver bestuur, en bestel ‘n espresso (my gunsteling soort koffie) in Kuruman, maar die vriendelike kelnerin bring toe ‘n groot koppie koffie. My skoonsus vra toe of hulle dan nie weet hoe maak mens espresso nie.
“Nee ons weet, maar ek het gesê maak vol daai koppie, ons kan nie die meneer so kroek nie!”
Comments(0) Gister het Mugabe sy Britse titel verloor. Dit is vir my nogal hartseer, want as jong man het hulle hom en sy merkwaardige eerste vrou baie sleg behandel. Later het hulle begin om in hom te belê as leier - ‘n proses wat baie heuning om die mond smeer behels, en in 1994 is hy tot ridder geslaan.
Read more »
Net ‘n nota van iets wat ek gister op die BBC radio gehoor het van ‘n ouetehuis wat die hoeveelheid ou mense wat val en hulself beseer drasties verminder het. Al wat hulle gedoen het is om per skedule te sorg dat die ou mense gereeld en genoeg water drink.
Om te blog gee ‘n persoonlike perspektief op waaroor jy ook al oor blog. As dit nie persoonlik was nie, sou dit ‘n formele artikel gewees het - iets wat baie werk kos, en etlike kere weer deurgelees moet word om seker te maak die feite is reg, die argumente volg logies, en die hele ding is nie op emosie gebaseer nie.
Die Afrikaanse blogs by WordPress is meesal ‘n lekker geselsery, baie soos wat Afrikaanse mense gesels wanneer hulle mekaar teekom. Ek hou oor die algemeen daarvan. Ek sal nou nie so diep op my eie persoonlike lewe ingaan soos party ouens nie, maar ek het vrede met die wat dit doen, want hulle blogs is dalk hul persoonlike dagboeke waar hulle dinge vir hulself uitwerk.
Maar as iemand by LitNet blog, het ek gedink, doen hy dit omdat hy iets te sê het in die openbare sfeer - iets wat mense wat hom nie ken nie kan interesseer. Miskien sy persoonlike kykie na een of ander politieke, ekonomiese, tegnologiese saak. Of dalk ‘n godsdienstige, musikale of sport insig wat met ons gedeel kan word. Of dalk iets van boeke - dis tog LitNet after all.
Moenie glo nie. LitNet blogs gaan eerder oor Carl Niehaus se persoonlike lewe, en hoe Neil Kroese gym. Die selfobsessie daarvan!
Om die waarheid te sê, ek is baie bly Afrikaans het my toegerus met presies die regte woorde om LitNet blogs te benoem: dis ‘n pot kak.
Kom eerder weg daar as jy dalk per ongeluk daar beland het want die ding lyk aansteeklik.
… sou ek eerder die Sjinese wil kry om te kom help.
Dit het al ‘n maand gelede bekend geword, dat Litnet gaan blogs kry, maar dis nou by Litnet self aangekondig.
Die artikel by book.co.za sê onder meer Litnet “is headed for the realm of web 2.0″. So die afgelope maand sit ek in afwagting van ‘n mooi WordPress multiuser plek waarop mens kan trots wees. En wat ook al die ander goed wat Litnet doen, huisves (in plaas van die huidige platform wat nie eers ‘n nuusvoer het nie). Maar in plaas van WordPress multiuser, is dit maar net 24.com se ou platvorm, met ‘Litnet’ vooraan die URL geplak. Ek was so teleurgesteld toe ek dit sien.
Nietemin, mens kan weekliks in aanmerking kom vir pryse van R1000, R500 en R300, en daar gaan interessante skrywers wees, so mens moet seker maar onthou dat die inhoud die belangrikste is. En mens moet seker jou eie mense se pogings ondersteun, so ek sal beslis oorweeg om te skuif.
Skakels:
Litnet blogs
Pryse, reels ensomeer
Etienne van Heerden skryf daaroor
Comments(5) Na gesprekke op Mhambi se blog (hier en hier), en ‘n besoek aan die AWB se webbladsy, lys ek hier hoe dit vir my lyk waarvoor hulle staan:
Hulle is nie regs of libertyns nie, want:
“If we did have a volkstaat with the liberal, Afrikaner socialists running the state, I would be perfectly satisfied”
Hulle is ook nie links of progressief nie want:
“I have to point out that liberalism walks hand in hand with Socialism whose cousin is communism. In one of your posts you mentioned that communism has merits. The premis of communism is that all individuals are equal; this then ties in with the liberal hate for racial discrimination, but to quote George Orwell, “All [animals] are equal, but some are more equal than others”.
Hulle is ook nie republikeins nie - ‘nobility’ word omtrent met oopmond bewondering goedgekeur:
“The current french president may have hungarian heritage, but after the 3 generations that his family has live in France, it certainly no longer makes a difference (besides he is from hungarian nobility, not just a plain commoner and he is european).”
Hulle is ook nie Christelik nie, want haat en minagting drup uit alles wat hulle sê.
Hulle is ook nie vir Afrikaans nie - trouens hulle webladdsy is feitlik geheel en al Engels, en die idee van kontak met Afrikaanse bruinmense word geminag, terwyl Engelse en enige ander wittes welkom sou wees in die staat wat hulle hoop om te verkry.
Hulle het eintlik geen beginsel van enige aard nie, net ‘n dom haat vir swart en bruin.
Ek het ook baie probleme met wat alles in SA verkeerd is. Ek wil ook maar soos Mondli Makhanya vra: what grave sin did the people of South Africa commit to deserve rule by Thabo Mbeki? How did we offend the deities?
‘n Nuwe Afrikaanse bewustheid is nodig om die balans in SA te herstel, en om die probleme aan te pak. Maar hierdie ouens gaan niemand help nie - ek vermoed hulle is net geskik daarvoor om, wanneer niemand kyk nie, padtekens te bekruip en te sabotteer.
Hierdie is uit The Runaway Train deur Benedict Blathwayt. Kliek op prentjie om die volle grootte te sien.
Ek is nie te gelukkig met my poging om te verklaar hoekom David Bullard dit kon regkry om jare lank onder Mondli Makhanya met soveel wit meerderwaardigheid te skryf nie, maar ek het nou ‘n ander vermoede van wat gebeur het. Chris Moerdyk skryf oor hoe Bullard die Sunday Times in Empire magazine gekritiseer het, en hy glo dit is hoekom Bullard onstlaan is. Ek stem nie met hom saam dat Bullard “nie eers weet hoe om rassisties te wees nie”, maar die Empire Magazine kwessie is beslis deel van die storie.
Makhanya was waarskynlik nooit gelukkig met Bullard nie, maar hy kon dalk nie van hom onstslae raak nie, want sy base by Avusa het miskien geglo dat Bullard baie werd was vir die koerant. Maar toe Bullard die koerant en Avusa kritiseer, was Bullard skielik vervangbaar, en het Makhanya uiteindelik sy sin gekry om van hom ontslae te raak. Net soos wat Llewellyn Kriel se doppie geklink het toe hy Avusa kritiseer het.
As ek reg is, is die gesiglose base by Avusa se optrede konsekwent laakbaar. Hulle laat toe dat Bullard wit meerderwaardige opinies verkoop in die naam van satire en vryheid van spraak, en opinieskrywers soos Bullard moet die regering, die ANC, en wie ook al nog vreesloos kritiseer, maar sodra hulle - die gesiglose base of die maatskappy self - onder skoot kom word die skrywer summier afgedank.
Nasionale Pers is vermoedelik minstens net so waardeloos en gierig as Avusa. Tim het waarskynlik nie alleen die besluit geneem dat Rapport se sirkulasie nie mag daal weens die SMS veldtog oor Deon Maas nie.
SA se media korporasies verkoop elke dag stories oor hoe die samelewing behoort te wees. Ek hoop nie hulle is almal so sinies en gierig is as wat ek dink hulle is nie.
Comments(4) Dit staan ‘n koerantredakteur vry om enige tyd die opinieskywers wat gebruik word te vervang. Om ‘n opinieskrywer te wees is ‘n werk met hoë status en invloed, maar lae werksekerheid - dis waarvoor jy jou inlaat as jy daardie werk doen.
Iemand soos David Bullard gaan nie more op straat sit omdat hy sy werk by The Times verloor het nie, so mens hoef nie te jammer vir hom te wees nie.
Ek kan insien dat Bullard se manier van skryf beledigend vir swart mense is. Hy het jare lank so geskryf, ook in die jare dat Mondli Makhanya die redakteur was. Ek het my aanvanklik verstom daaroor Makhanya dit toelaat. Maar ek het later begin verstaan dat dit alles gaan oor kontroversie en sirkulasiesyfers.
Toe Bullard begin om met bloggers die spot te dryf, het ek dit geniet. Hy kon alles en almal behoorlik beledig, en toe hy bloggers beledig was hulle so ontstoke dat hulle byvoorbeeld alles van hom op Muti met ‘bullshitard’ gemerk het.
‘David Bullard is a legend‘ is ‘n oulike stuk oor Bullard se kontroversialiteit. Maar Bullard se manier van skryf is miskien nie werklik geskik vir SA nie. Want wit mense sal in Bullard se laaste stuk bevestiging vir hul vooroordele vind. Bevestiging van hul aanstootlike aanname dat kolonialisme goed vir swart mense was. Ek dink Bullard se punchline van ’someone to blame’ is waaroor die stuk eintlik gaan. Bullard spot die huidige maghebbers, en dis ‘n goeie ding om te doen. Maar die inleidende deel is te beledigend, al is hoe ‘n ongekoloniseerde Afrika sou wees regtig die tema nie, is dit hoe 95% van mense dit gaan lees. Boonop moet iemand wat so skryf almal eweredig laat deurloop. En ek is bevrees Bullard het wit Engelse, Afrikaners, bloggers en Duitse herdershond eienaars afgeskeep en te veel op die WaBenzi, oftewel die huidge maghebbers gekonsentreer.
Mag mens met swart mense spot?
Ek reken Makhanya het nog altyd so gedink, en daarom aangehou om Bullard te gebruik. Maar ek vermoed Makhanya het begin dink dit was tyd vir ‘n verandering - miskien het hy gevoel Bullard herhaal homself. En miskien het hy ‘n nuwe skrywer gevind wat nog meer vir die koerant kan beteken.
En toe lees hy Bullard se laaste stuk en keur dit goed (soos nog altyd) vir publikasie. Maar ‘n paar dae later dank hy hom af - sogenaamd oor daardie stuk, maar eintlik kan dit nie daaroor wees nie. Want hy kon lankal vir Bullard aangesê het om anders te skryf of te waai. Hy kon hom stil-stil laat gaan het omdat Bullard se opinies dalk te veel mense sou afsit om die koerant te koop. Maar dis glad nie Makhanya se styl nie, want hy weet hoe om self nuus en sensasie te veroorsaak. Daarom dank hy hom af met ‘n groot gedoente, en die land gons.
Net soos wat hy byvoorbeeld nuus en sensasie gemaak het met sy “Manto is a drunk and a thief” -opskrif en die sensasie rondom sy (Makhanya se) moontlike arres oor Manto se mediese lêers.
Makhanya slaan ‘n slag teen rassisme, en die sirkulasiesyfers styg alweer. As ek ‘n koerant besit het sou ek graag Makhanya wou hê as redakteur.
