‘n Baie spesiale video vir Ton Vosloo, Koos Bekker, Jakes Gerwel & co

Met die nuus dat Nasionale Pers 10 tot 20% van hulle poste gaan sny na ‘n jaar waartydens hul inkomste meer as verdubbel het, is dit ‘n goeie tyd om ‘n bietjie hul base se beginsels met Japanese base s’n te vergelyk.   Byvoorbeeld met Honda, wat nog nooit werkers laat gaan het nie.

Of wat van hierdie baas van Japan Airlines – dalk is daar is iets in sy optrede wat Naspers se base eerder moet probeer navolg.

Nasionale Pers maak gereed om Afrikaanse koerante te laat saamsmelt

Naspers het natuurlik lank reeds sulke planne – mense kan dit sien aan die manier hoe Afrikaanse koerante almal (behalwe die Burger) onder die News24 banier op die Internet moet saamkloek. Trouens, alles wat mens wil weet oor hoe belangrik Afrikaans vir Naspers is kan jy sien aan 24.com se voorblad (sien prent hieronder).
Ek het lank reeds die vermoede dat Naspers ‘n pakt met die ANC aangegaan het – Naspers moet Afrikaners gewoond maak daaraan dat Engels in absoluut alles die botoon voer, in ruil vir een of ander voordeel (of miskien dat een of ander dreigement nie uitgevoer sal word nie).
So dit laat ons in ‘n werklik goor situasie want die enigste alternatief is die rassistiese ou klomp blankes by Praag.

Ek het ook ‘n voeltjie hoor fluit dat Naspers se direksievergaderings nou in Engels gehou word.  Hoe aansitterig.