Die banksters het alles verander

In Brittanje trek mense hul gordels stywer vir die resessie/depressie wat kom, maar die bouers van super-luukse bote kan nie byhou om in die vraag te voorsien nie.  Die huispryse val, maar die pryse van herehuise en ander eksklusiewe eiendomme word nie daardeur geraak nie.

Baie van die bankiers wat die krisis veroorsaak het, neem nou die tyd af om hul miljoene te geniet, terwyl gewone mense gereed maak om miskien werkloos te raak.  Om die gevolge te dra van dit wat die bankiers veroorsaak het.

Maar ek dink die kredietkrisis gaan die wereld fundamenteel verander.

Bly of gly.  Wil jy emigreer?  Dink daaraan dat die kanse goed is dat jy ‘n groot deel van jou aardse welvaart gaan opgee, net om in die ryk lande hard met werkloosheid kennis te maak.  Suid-Afrika gaan ook deur die krisis beinvloed word, maar ten minste het ons banke weens SA regulasies nie aan die gierigheidsorgie deelgeneem nie.

Persepsies van ryk en arm.   Baie minder mense gaan rykes bewonder vir hul ‘talent’.   Meer sal insien dat die meeste rykdom onverdiend bekom is.  As iemand met sy spoggerige besittings spog sal dit verdag lyk.

Die mite van ‘n vrye mark.  Terwyl die een bank na die ander genasionaliseer word, en Westerse regerings oral inspring om die besigheidswereld te help, is die evangeliste vir die vrye mark tjoepstil, terwyl die wat al lankal kla oor die manier hoe regerings die rykes help, reg bewys word. Ek het simpatie met vrye mark dissipels  – dis ‘n mooi teorie, maar dit het nog nooit in die praktyk bestaan nie, ook nie in die VSA nie.

Die netto waarde van die Weste.   Mense sal begin insien dat die ontwikkelende lande iets het om te bied, terwyl die Weste hul eie waarde ver oorskat het.

Die mag van Amerika sal kwyn. Amerika gaan nie meer die enigste  supermoondheid wees nie, en maar net een van etlike kompeterende magte wees.

This entry was posted in ekonomie, mag, politiek, suid-afrika, witmense and tagged , , . Bookmark the permalink.

One Response to Die banksters het alles verander

  1. wildebees sê:

    Stem saam. Hierdie is ook ‘n geleentheid om Suid-Afrika se politiek te vernader and vir Afrikaners om hulself te laat geld en betrokke te laat by SA.

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s