Wat kan jy huis toe bring?

Uit Boshof in die Vrystaat kom twee bekendes aan wie ek nou kan dink – Sol Plaatje, ‘n vader van ‘n voorloper van die ANC, en Dr. SH Pellisier.
Sol Plaatje het Shakespeare in Setswana vertaal, terwyl Dr. SH Pellisier volkspele onder Afrikaners begin het.  Ek dink altyd aan hulle twee wanneer ek deur Boshof ry.

Pellisier het, nadat hy Swede besoek het en soortgelyke volksdanse van Europese volke gesien het, gemeen het ons kort ook so iets.   Ek het nog nie volkspele gedoen nie, maar aangesien dit iets is wat die arbiters van wat cool is, graag bespot, identifiseer ek my op ‘n manier daarmee.

Ek hou niks van die manier hoe Shakespeare in al wat ‘n Britse kolonie is, tot die hoogste kuns verhef word bo plaaslike boeke wat baie meer tot die plaaslike omstandighede spreek nie.  Ek dink Shakespeare is van geen belang vir ‘n kind in SA as hy nie eers byvoorbeeld vir Antjie Krog en Dalene Mathee goed ken nie.
Maar nogtans het ek begrip en bewondering vir Plaatje se vertaling van Shakespeare.  Net soos Pellisier, en baie ander voor hulle, het Plaatje en Pellisier iets in gemeen:  albei het gevoel hulle mense kom iets kort, en kon iets by die buiteland leer.
En albei het werk gemaak daarvan, en iets gebring.

En dit laat my wonder – watter idees, begrip, kundigheid, beleggings ensomeer kan al ons ekspats nie dalk bring nie?

This entry was posted in witmense and tagged , , , , , , , , . Bookmark the permalink.

6 Responses to Wat kan jy huis toe bring?

  1. Vlam sê:

    Vergeet ‘n oomblik van al die kundigheid, Alleman.😉
    Boshof! My ou skool!! Hoe verlang ek nie nou nie!

    Pellisier het die kat aan die stert beetgehad met volkspele. Ons is nie ‘n dansende volk nie. In elk geval, nie daai tipe dans nie.

  2. Bertus! sê:

    As jy meer gereeld Star Trek gekyk het, sou jy geweet het selfs die Klingons het al Shakespeare vertaal.

  3. alleman sê:

    Vlam – miskien is jy reg oor die dansery – of miskien is daai klere net te warm en te baie.

  4. alleman sê:

    @Bertus! dis miskien hoekom hulle nou fronse het, waar hulle nie voorheen gehad het nie!
    Nee, om eerlik te wees, ek het niks teen Shakespeare nie, maar dit voel nog steeds vir my verkeerd dat so uitsluitlik op die Britse grotes gefokus word, terwyl ander groot skrywers totaal geignoreer word. So bly ons onsself isoleer tot ‘n klein wereldtjie.
    Ek hoor byvoorbeeld The Good Soldier Švejk van Jaroslav Hašek is so goed. En wat van Dante, Cervantes en nog hoevele ander wat deur die bank ignoreer word?

  5. Goeie fnok! 😯

    Shakespeare in Setswana? Ek kan dit nie eers in Engels vertaal nie! 😉

    • alleman sê:

      Ja GvdS, as ek reg onthou het hy op skool al die wit kinders in die provinsie (of is dit die land?) uitgestof, en het die blankes daardie ongemaklike feit probeer geheim hou.

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s