Sekulêre skole is beter vir almal

Deur ‘n naam soos OGOD te kies, wil Hans Pietersen se organisasie hul opponente verneder, omdat die ydelike gebruik van God se naam aanstootlik vir gelowiges is.  Ek wens Suid-Afrikaners wil ‘n meer verdraagsame styl van politieke bedinging gebruik.

Maar SA het nodig dat staatskole sekulêr moet wees, omdat

  1.  Anders as Christene van vorige dekades, is Christene vandag grootliks fanaties anti-wetenskap, en dis nodig om by die skool, ten minste, te hoor wat die wetenskap sê, omdat ons kinders se toekoms juis daarvan afhang.
  2. Sekulêre skole kan ons kinders voorberei vir die wêreld van werk wat alreeds sekulêr is, en waar hulle in elk geval met mense van ander gelowe, sowel as ateïste gaan moet saamwerk.

Oordentlikheid en medemenslikheid teenoor alle mense is iets waarmee kinders uit Christelike skole dikwels ‘n probleem het – waar dit die geval is, reageer hulle met suspisie, vrees of haat teenoor diegene wat uit ‘n ander agtergrond kom.

‘n Voorbeeld hiervan is die geval van Roedolf Viviers en Zayn van Tonder wat  ‘n Moslem,  Mohammed Fayaaz Kazi by ‘n Chiken Licken gespot het oor sy baard.   Natuurlik het ‘n argument ontstaan, en toe ‘n geveg.  Kazi is dood, en Viviers is, sover ek weet, steeds in die tronk.    Ek is 100% seker dat Viviers, ‘n baie sterk man, nie daardie dag beplan het om enigeen te vermoor nie.    Tog is hy en sy vriend die produk van ‘n sekere lewensuitkyk wat nie die “ander” kan verstaan of verdra nie – en as hy nie met daardie  lewensuitkyk opgesaal was by ‘n Christelike skool nie, sou daardie tragedie nooit gebeur het nie.   En hierdie lewensuitkyk is wat Afriforum en andere so hard veg om te behou.

 

Posted in suid-afrika | Tagged , , , , | Lewer kommentaar

Hoe het Christene so anti-wetenskap geword?

Mense soos Richard Dawkins maak ‘n voorstelling van Christene as inherent dom en anti-wetenskap, maar dit was Christen – regse presidente Ronald Reagan en George Bush (die eerste president Bush) wat die probleem van klimaatsverandering na die politieke arena geneem het, en begin onderhandel het daaroor met ander regerings.

Christene het tradisioneel geglo dat die mens ‘n opdrag het om verantwoordelikheid vir die aarde te neem.   Lees byvoorbeeld hierdie – waar  Gavin Ortlund verskeie dele van die Bybel aandui wat op die mens se verantwoordelikhede dui.  Sien ook hierdie – oor Christene se voogdyskap oor die aarde.

Christene was tradisioneel ook nie skaam om die vrugte van die wetenskap – mediese wetenskap en tegnologie -te gebruik nie.

Maar Christene is vandag grootliks anti-wetenskap – sak en pak saam met Trump en sy vernietiging van alle beskerming van natuur en die omgewing.  Byvoorbeeld:

Mense skryf graag oor hoe “Islamic State” oftewel ISIS ‘n “death cult” is – en hulle is ook.  Maar Christene vandag is eweneens ‘n death cult, hoewel hulle het geen besef het van hoeveel gevaar hulle vir die wêreld inhou nie.

Christene moet hulself afvra wanneer en hoekom hulle ophou dink het – ek dink die antwoord is iewers tussen Trump-Putin, Facebook en die American Evangelicals wat via die Internet die res van die Christendom se denke begin oorheers het.

Posted in suid-afrika | Tagged , , , , , , , , | 1 Kommentaar

Christene en ateïste het belangriker dinge om oor te praat as geloof

(Oftewel, hoe om ateïsme minder aaklig te maak!)

Christene is moeg vir die intellektueel meerderwaardige manier waarop probeer word om alles wat verkeerd is op godsdiens te blameer.   Hierdie styl van debat  is begin deur Anglo-ateïste¹ soos Richard Dawkins en Sam Harris.   Lees gerus vir Allegra Ringo om te sien wat se soort persoon Dawkins eintlik is (rassisties, seksisties en meer).   Ook  Sam Harris is ‘n rassis – sien How to Make Atheism Less Awful in 2014 deur Martin Robbins.

Die dieper rassistiese agenda van die Anglo-ateïste  is om te probeer verdoesel dat sommige van die heel grootse probleme eintlik deur (veral Britse) kolonialisme, en Anglo-Amerikaanse neokolonialisme veroorsaak is.  “Islamitiese – terrorisme” veral word op die Islamitiese godsdiens geblameer, maar die Midde-Ooste en die Moslem wêreld  is so erg deur Brittanje, die VSA en Rusland gedestabiliseer dat, as daardie lande ateïsties was,  dit heel waarskynlik steeds tot terrorisme sou gelei het.   Dit sou net nie “Islamitiese – terrorisme” gewees het nie.

Hierdie Anglo-ateïsme  is relatief nuut, en het ongelukkig ook in Suid-Afrika onder Afrikaner ateïste ‘n aanhang gevind –  met onaangename debatstyl en al.

Maar hulle verteenwoordig nie die stil meerderheid van ateïste nie.   Die van ons wat nie daarop uit is om kolonialisme te regverdig en verheerlik nie, kan insien dat daar twee yslike groot kwessies is waaroor ons dringend met almal wat omgee oor ons mensdom moet praat.   Ons gee nie om wat jy glo na jou dood met jou gaan gebeur, of wat jy op Sondae doen nie, maar ons moet gemeenskaplike grond vind oor aardverwarming en rassisme.

Aardverwarming

Die mens se afhanklikheid van steenkool en olie is besig om ons en ons kinders se toekoms te bedreig.  Alle wetenskaplikes behalwe enkeles wat deur oliemaatskappye omgekoop word, sê dit hard en duidelik.  Daar is nie ‘n debat daaroor onder wetenskaplikes nie, dit is ‘n aanvaarde feit.  Christene glo dat daar ‘n wederkoms gaan wees, en daarom reken sommige dat hulle nie hoef te worry dat ons die aarde verwoes nie, maar gelukkig vir die res van ons het gelowiges ook ‘n lering dat hulle ‘n opdrag het  om te sorg vir die aarde, en dit is in almal se belang dat Christene hulle siening dat hulle ‘n voogdyskap oor die aarde het, ernstig begin opneem.

Rassisme

Ongelukkig is rassisme so inherent in hoe die Westerse beskawing met kolonialisme sy voordeel bo die res gekry het, dat die meeste Westerlinge nie die omvang van die probleem insien nie, en dink rassisme is bloot as jy iets leliks van ‘n nie-wit persoon sê.   Maar die ongeërgde en gevoellose manier waarmee  Westerse lande en Rusland gedurig bomme laat reën op lande waar die mense nie soos hulle lyk nie, is ook rassisme.   En daarom is terrorisme ook ‘n gevolg van rassisme.  Rassisme is saam met aardverwarming die wêreld se grootse probleem, maar Christene het ook die liefdesgebod wat hulle moet nakom, en dis in almal se belang dat hulle hierdie opdrag begin nakom deur die probleem van rassisme en die aaklige  gevolge van kolonialisme ernstig aan te spreek.

PS:

  1. Mense van Anglo-Saxon agtergrond praat nie van Anglo-ateïsme nie, omdat hulle nie self insien hoe Anglo dit is nie.  Hulle noem dit “New Atheism.”
  2. Lees gerus hier oor hoe moeg Christene is vir die Anglo-ateïste se aanvalle op hulle.
Posted in suid-afrika | Tagged , , , , , , , , , , , | 17 Kommentaar

Lord Coe, die walgworsie

Lord Sebastian Coe hou aan om Caster Semenya  ‘n  “‘n dogter, ‘n suster” te noem, maar hy wil haar dwing om haar liggaam se natuurlike werking met medikasie te verander as sy wil deelneem aan atletiek.

As jy dink hy het ‘n punt beet, lees gerus:

Lord Coe kan nie sy vyandigheid agter woorde soos “daughter” and “sister” wegsteek nie.

Lord

Posted in suid-afrika | Tagged , , , , , , | Lewer kommentaar

Hoekom die ANC nie links is nie

Ek het hierdie geskryf na aanlyding van Flip Buys se wanvoorstelling dat die ANC links is (en linkses dus soos die ANC is)

Die ANC is ‘n komplekse organisasie, wat beslis ook ‘n krimpende aantal linkses insluit, maar dit is duidelik dat regses – Zulu nasionaliste, Afrika nasionaliste en tradisionaliste, asook comprador kapitaliste die botoon voer.

Die ANC se tradisionalisme

Die toename in ongelykheid in SA sedert 1994 pla die ANC blykbaar nie want die party tree hoofsaaklik op in belang van ‘n swart middelklas en tradisionele leiers, en baie van wat hulle doen dui op ‘n minagting van arm mense.

Voorbeelde:

  • Die voortgesette onderwerping van landelike swart mense aan tradisionele leiers.  Sien hier en hier

  • Die steun van monargiee soos Swaziland se koning Mswati wat selfs geldelike steun van SA kry.  Ware linkses is republikeine, en keur nie Mswati se verdrukking van sy land se mense goed nie.   As die ANC links was, het hulle gehelp om Swaziland te bevry soos wat linkses van baie lande gehelp het om swart mense in SA te bevry.

  • Die steun aan koning Goodwill Zwelithini is veral ‘n bewys van hoe regs die ANC onder Zuma geword het.   Nadat Zwelithini in April Xenofobiese aanvalle op swart buitelanders aangehits het, het die ANC regering hom nie gestraf of selfs gerepudieer nie, maar hom beloon deur met Operation Fiela kwaai op immigrante toe te slaan, asook met ‘n yslike geldelike verhoging aan hom en ander tradisionele leiers.   Hierdie verhoging dui ook op ‘n intensie om  tradisionele leiers te beloon en hul mag te vergroot.  Volgens minister Gugile Nkwinti is tradisionele leiers ook “verhewe bo politieke gesag”

  • Die weiering om swart skole in arm gebiede te verbeter – hierdie is ‘n tegniek om arm mense onder te hou.

Die ANC se wals met neo-kolonialisme

In hierdie opsig is die ANC regs deur dikwels op te tree as comprador kapitaliste, byvoorbeeld:

  • Die skiet van Suid-Afrikaanse mynwerkers namens Lonmin, ‘n Britse maatskappy by Marikana
  • Die wapentransaksie met ‘n konsortium onder leiding van BAE Systems
  • Die toeken van kontrakte aan Britse maatskappye soos G4S om staatswerk te doen
  • Die verengelsing van Suid-Afrika
  • Steun in die VN veiligheidsraad vir die 2011 Anglo Amerikaanse aanval op Libië wat die land erg gedestabiliseer het.

 

Posted in suid-afrika | Tagged , , , , , , , , , , , , , | 2 Kommentaar

Bang oumense misgun hulle kinders vryheid van Empire

Ek kan skaars inhou hoe teleurgesteld ek is oor die Skotse nee stem. Die jongmense wil nie meer deel wees van die oorloë en onreg wat in Whitehall uitgedink word nie, en ook nie die hele korrupte Westminster stelsel nie. Maar die oumensies is bang. Bang oor wie hulle gaan beskerm as die Empire wat soveel mag in die wêreld uitgeoefen het, nie meer daar is om te dien nie.

Hulle is bang vir hulle eie vryheid!

Nou wil ek (wat al gevaarlik naby 50 is), ‘n paar dinge oor oumense sê:

  • Oumense is nie vanself wys nie – net wyse jongmense word wyse oumense.
  • Mens neig om al meer vreesagtig en gekant teen verandering te word namate jy ouer word.  Maar lewe is verandering. Ek hoop dit gebeur nooit met my om so vreesagtig en konserwatief te word dat ek nee stem vir my kinders se vryheid nie – dan eerder meer pyne en swak gesondheid of die dood.

Maar wag tot die bang oumensies wat so verknog aan Britse empire is, uitgesterf het – so oor 10 of 20 jaar. Dan  hoop ek sal die jongmense ‘n Skotse republiek begin wat die wêreld inspireer.

Posted in suid-afrika | Tagged , , , , | 8 Kommentaar

Huilerige welgesteldes

Daar is vir my niks so pateties soos rykes en welgesteldes wat “aktiviste” word, omdat hulle reken hulle is die victims in die samelewing nie.  Hierdie soort denke maak van jou ‘n oneerlike pateet.

Vat byvoorbeeld hierdie libertynse “aktivis”, wat ander “aktiviste” oneerlike tegnieke leer om boeke wat hulle nie gelees het nie, te “rate” volgens politiek.

Natuurlik kry mens dieselfde soort libertyne ook in SA, en selfs ook in Afrikaanse blogs.

 

 

Posted in Uncategorized | Tagged , | 4 Kommentaar

‘n Paar dinge wat libertyne nie graag sal wil erken nie

Mens sou nie kon dink die libertynse siening sou kon vatplek kry by ‘n volk wat so baie soos Afrikaners by die staat gebaat het nie.   Maar nou kry mens tot al Afrikaanse blogs wat hierdie filosofie verkondig, en daarmee saam natuurlik veldtogte teen die idee van gelykheid.

Daar is natuurlik  invloede wat sommige Afrikaners in hierdie  rigting lei, byvoorbeeld:

  • Die persepsie dat die SA staat van vandag ons vyandiggesind is
  • Steve Hofmeyr wat ‘n groot Ayn Rand aanhanger is (asook ‘n volgeling van Dan Roodt)

So kry mens natuurlik hierdie libertynse bloggers wat sowaar veldtogte voer teen die ideaal van gelykheid:

Die voordele van gelykheid is so oorweldigend, en hierdie ouens se begeerte om klein koningkies te wees so obvious, dat mens hulle eintlik ten beste met ‘n paar comics kan antwoord:ILkxuCPyweQdlH unionize-top-ten-color swartmense-met-gewere PYUblKF OGrZEBU libertarian-paradise kSTSw5t  how_libertarians_vote

 

F7Qg7RW

 

JKjti4x

Posted in suid-afrika | Tagged , | 3 Kommentaar

Ons Anglo base

Wat Iris ­Minier van Boss Models sê:

mens “moenie trots wees dat jy Afrikaans is nie”, dis nie iets wat mens “vir enigiemand moet sê nie”.  En “dit is soos om vir almal te sê jy is ’n Nazi” ensovoorts. – Rapport

Wat sy eintlik bedoel:

Suid-Afrika behoort aan Anglo en British belange, en Afrikaanssprekendes moet daarby inpas deur te verengels, en voor Anglo baasskap die knie te buig.

Natuurlik moet Zulu, Xhosa etc sprekers volgens die settelaar en neokolonialis se denke dieselfde doen – dis net moeiliker om dit hardop te sê.  En gelukkig vir mense soos ­Minier, staan SA tans onder beheer van compradores met Britse titels.  Beide Mbeki en Zuma  is immers tot Britse ridders geslaan, en het dienste verrig ter voordeel van BAE systems en ander Britse maatskappye.

Maar ongelukkig vir mense soos Minier sal SA nie altyd in British-friendly hande bly nie.  Wanneer ware anti-kolonialisme begin inslag vind, en wanneer Sjina die magtigste land in die wereld is, sal Engels se dominansie tot ‘n einde kom – nie net in Suid-Afrika nie, maar in baie ander soortgelyke lande.  Baie van ons is nog jonk genoeg – ons gaan dit sien gebeur.

Intussen nooi ek vir Minier uit om The language of colonialism te lees.

Posted in Afrikaans, suid-afrika | Tagged , , , , , , | 5 Kommentaar

Israel se oorlog teen kinders

Sien gerus hieronder die Engelse omroeper en politieke kommentator Jon Snow se pleidooi vir genade vir die Palestyne.

En terwyl baie duisende mense, onder meer Jode en Suid-Afrikaners protesteer en betoog in solidatiteit met die Palestyne, en teen die oorlogsmisdade van Israel, voel Obama en Cameron  blykbaar vere.   Zuma doen ook maar nie juis iets nie, terwyl daardie ander British onderdaan, Tony Abbott soos van hom verwag kan word, aan Israel se kant is.

Posted in suid-afrika | Tagged , , | 5 Kommentaar